Erion Veliaj duket se po humbet çdo ditë e më shumë fuqinë e tij politike, për sa kohë që prej 10 shkurtit të këtij viti ndodhet në qeli.
Para se të shkarkohet nga posti i kryebashkiakut të Tiranës, Veliaj është shkarkuar edhe nga posti i kryetarit të Shoqatës Kombëtare të Bashkive në vend.
Vendimi është marrë në mbledhjen e djeshme të kësaj shoqate, ku shumica e kryebashkiakëve socialistë ka votuar pro shkarkimit të Erion Veliajt dhe emërimit të kryetares së Bashkisë së Durrësit, Emiriana Sako në postin e drejtueses së Shoqatës së Bashkive.
Ndërkohë, ditën e martë, më 23 shtator, Erion Veliajt pritet të shkarkohet edhe nga posti i kryetarit të Bashkisë së Tiranës me vendim të Këshillit Bashkiak.
Socialistët kanë iniciuar shkarkimin e Veliajt pas urdhrit të dhënë nga kryeministri Edi Rama, i cili ka shpallur zgjedhje të reja për Tiranën dhe ka caktuar Ogerta Manastirliun si kandidate.
