E ardhmja e Endrick mund të marrë një kthesë të re. Sipas raportimeve të Fabrizio Romano, klubi francez Lyon ka nisur negociatat me Real Madridin për një huazim të mundshëm në janar, pasi Xabi Alonso aktualisht nuk e ka në planet e tij për pjesën e parë të sezonit.
Lyon i ka paraqitur lojtarit projektin e zhvillimit dhe garancitë për minutazh, ndërsa 18-vjeçari brazilian është i hapur për bisedime dhe po vlerëson opsionet për të siguruar më shumë hapësirë në fushë.
Endrick nuk ka pasur paraqitje të spikatura këtë sezon në Brazil, dhe huazimi në Ligue 1 shihet si një mundësi e vlefshme për të fituar përvojë në futbollin evropian.
