VLORË – Një atentat ka ndodhur mbrëmjen e sotme në autostradën Vlorë-Fier, ku një 30-vjeçar është ekzekutuar me kallashnikov brenda makinës së tij tip “Volkswagen”.
Personi i vrarë është identifikuar si Kristjan Marku. Dyshohet se autorët e zunë pritë të riun.
30-vjeçari i vrarë rezulton me precedent penal për “Vrasje me dashje ne bashkepunim mbetur ne tentative” dhe “Mbajja pa leje e armeve te zjarrit dhe municionit luftarak”.
Ngjarja ka ndodhur në zonën sapo kalon rreth-rrotullimin e fshatit Novoselës, ndërsa policia ka ngritur disa pika kontrolli për kapjen e autorit.
Një automjet është gjetur i djegur pranë vendit të ngjarjes dhe besohet se u përket autorëve të vrasjes.
Njoftimi i policisë:
Rreth orës 18:15, në afërsi të fshatit Novoselë, në autostradën Fier-Vlorë, është qëlluar me armë zjarri në drejtim të një automjeti tip “Volkswagen”, me drejtues shtetasin K. M., 30 vjeç, i cili ka humbur jetën.
Në vendngjarje kanë shkuar shërbime të Policisë së DVP Vlorë dhe grupe të Forcës Kombëtare të Sigurisë Njësia Fier. Vijon krehja e zonës dhe kontrollet për kapjen e autorëve.
Është ngritur një grup i posaçëm hetimor dhe, nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
