Policia e Tiranës ka finalizuar me sukses operacionin policor të koduar “Check Point”, i zhvilluar nga Komisariati Nr. 1, pas informacioneve të siguruara nga inteligjenca policore. Objektiv i operacionit ishte kapja e personave që qarkullojnë me armë zjarri dhe lëndë narkotike.
Gjatë kontrolleve të kryera në rrugën “Ali Demi”, shërbimet e Policisë ndaluan një automjet me drejtues shtetasin Krisald Kundraxhi, 38 vjeç, dhe pasagjer Jurgen Kovaçi, 34 vjeç, të dy banues në Tiranë.
Gjatë kontrollit të automjetit dhe më pas në banesën e 38-vjeçarit, u gjetën dhe sekuestruan në cilësinë e provës materiale:
Një armë zjarri pistoletë, Municion luftarak, 304 gram kokainë, 131 tableta ekstazi, 3 peshore elektronike, Pjesë arme dhe automjeti.
Në përfundim të veprimeve hetimore, K. K. u arrestua për veprat penale “Prodhimi dhe mbajtja pa leje e armëve, armëve shpërthyese dhe municionit” dhe “Prodhimi dhe shitja e narkotikëve”, ndërsa J. K. u vu në pranga për “Moskallëzim krimi”.
Materialet procedurale i janë referuar Prokurorisë së Tiranës, për veprime të mëtejshme.
Policia e Tiranës thekson se do të vijojë operacionet intensive për goditjen e paligjshmërisë, me fokus të veçantë ndaj krimeve që lidhen me drogën dhe armëmbajtjen pa leje.
