Shtetasi Erjon Markol, 46 vjeç, nuk është paraqitur në kohën e caktuar në institucionin ku vuan dënimin me burg pas përfundimit të lejes shpërblyese. Sipas informacionit të publikuar, Markolit i kanë mbetur edhe 1 vit e 11 muaj burg.
Mosparaqitja e tij brenda afatit ka detyruar Institucionin e Ekzekutimit të Vendimeve Penale (IEVP) Rrogozhinë të depozitojë një kallëzim penal për veprën “Largimi nga vendi vuajtjes së dënimit”.
Shtetasi Markol është dënuar nga Gjykata e Rrethit Gjyqësor Tiranë për veprën penale të parashikuar nga neni 76/22 i Kodit Penal, me një dënim të mbetur prej 3 vjet e 11 muaj burgim. Ai ishte përfitues i lejës shpërblyese dhe duhej të kthehej në burg më 02.12.2024, në orën 13:00.
Materialet përkatëse janë dërguar në Prokurori për veprime të mëtejshme.
