Një prej emrave më të “famshëm” të krimit në Serbi dhe Malin e Zi i ka shpëtuar për mrekulli një tjetër atentati me armë të bërë ndaj tij.
Mediat fqinje kanë publikuar pamje nga momenti i atentatit të bërë ndaj Marko Ljubisa i njohur ndryshe me nofkën Kan.
Një ditë më parë ndërsa ishte shtrirë pranë një pishine në një hotel luksoz pranë Budvës një person i afrohet me armë në dorë, por në momentin që ka tentuar ta qëllonte i ka rrëshkitur këmba në pishinë.
“Autori iu afrua, ishte vetëm 20 centimetra larg tij. Kur deshi të qëllonte, rrëshqiti në pllakat e lagura pranë pishinës. Kjo e bëri të humbiste ekuilibrin, plumbi nuk e goditi drejtpërdrejt në kokë, por e kapi në këmbë dhe një tjetër e gërvishi në kokë. Mjeku i tha menjëherë: “Duket se nuk është gjë serioze”, shkruajnë mediat fqinje.
Kan u plagos lehtë në këmbë dhe mori një të gërvishtur në kokë. Ndërkohë autori u largua me shpejtësi me një makinë tip BMË në drejtim të Petrovacit. Policia ka rrethuar zonën përreth Budvës dhe po zhvillon një operacion intensiv kërkimi. Janë ngritur postblloqe në dalje të qytetit dhe po analizohen pamjet nga kamerat e sigurisë të hotelit dhe zonës përreth.
Kan-it i janë bërë disa herë atentatete përgjatë dekadës së fundit dhe u ka mbijetuar disa herë përpjekjeve për vrasje në të dyja vendet.
Hetimet vijojnë dhe autoritetet nuk përjashtojnë mundësinë që atentati të jetë i lidhur me përplasjet midis grupeve kriminale në rajon.
