Janë zbardhur emrat e pesë zyrtarëve të Rrogozhinës, të cilët janë nën hetim pasi akuzohen se abuzuan me procesin e rindërtimit, duke i shkaktuar shtetit një dëm prej 353 mln lekë.
Në pranga ranë Ballabani, Xhemile Uku, Mario Meka, Elton Levonja e Edlira Ramaj.
Mësohet se 78 kasolle u vlerësaun si banesa nga zyrtarët.
“Policia e Durrësit(komisariati i Kavajës)ka zbatuar urdhër arrestet e Gjykatës së Shkallës së Parë Durrës në ngarkim të 5 punonjësve të bashkisë së Rogozhinës:Besim Ballabani, Xhemile Uku, Mario Meka, Elton Levonja dhe Edlira Ramaj të cilët janë vënë në pranga.Ata akuzohen “Shpërdorim detyre”,”Falsifikim dhe mashtrim”me fondet e rindërtimit duke i shkaktuar buxhetit të shtetit një dëm me vlerë 353,471,090”, njoftoi policia e Durrësit ditën e djeshme.
Hetimet në ngarkim të tyre nisën pas denoncimeve nga banorë të Rogozhinës të cilët u ankuan se me procesin e verifikimit të dëmeve të tërmetit ishin bërë abuzime dhe se kishin përfituar persona të cilët nuk kishin pësuar dëmtime nëpër banesat e tyre.
Kjo çoi në hetimin e vendimeve ta marra nga personat e caktuar në këtë proces dhe rezultoi në shkelje në mbi 78 raste.
Në përfundim të hetimeve prokuroria e Durrësit i kërkoi Gjykatës së Shkallës së Parë Durrës që të vendosë arrestimin e tyre./ilirianews
