Janë identifikuar dy të rinjtë që u vranë me Armë zjarri pranë një karburanti në Durrës. Viktimat janë 23-vjeçari Aranit Kurti dhe 33-vjeçari Flori Paluçi.
Vrasja e dyfishtë ka ndodhur rreth orës 01:45 të mëngjesit të sotëm, 22 tetor 2025 në Manëz, pas një konflikti dyshohet për motive të dobta.
Nga veprimet hetimore rezulton se Flori Plauçi ka vrarë me armë zjarri 23-vjeçarin Arianit Kurti.
Ndërsa, 33-vjeçari është qëlluar me armë nga 21-vjeçarin me iniciale D. P., ku i fundit i shpallur në kërkim.
Njoftimi:
Durrës/Informacion paraprak
Rreth orës 01:45 të datës 22.10.2025, në Manëz, pranë një karburanti, pas një konflikti dyshohet për motive të dobta, kanë mbetur të vrarë me armë zjarri shtetasit A. K., 23 vjeç, dhe F. P., 33 vjeç, të dy banues në Manëz.
Nga veprimet e para hetimore të kryera nga grupi i posaçëm hetimor, dyshohet se shtetasi F. P. është vrarë me armë zjarri nga shtetasi D. P., 21 vjeç, banues në Manëz, ndërsa shtetasi A. K. dyshohet se është vrarë nga shtetasi F. P.
Shërbimet e Policisë po vijojnë kontrollet intensive për kapjen e shtetasit D. P.
Ndërkohë, një grup i posaçëm hetimor, nën drejtimin e Prokurorit, po vijon punën në vendngjarje për zbardhjen e rrethanave, identifikimin e personave të tjerë të përfshirë në këtë ngjarje dhe administrimin e çdo prove, me qëllim dokumentimin e plotë ligjor të rastit.
