Një elefant i njohur me emrin Plai Biang Lek shkaktoi kaos në një dyqan ushqimor në provincën Nakhon Ratchasima të Tajlandës, pasi hyri për të kërkuar ushqim. Ngjarja ndodhi më 2 qershor, kur elefanti doli nga parku kombëtar Khao Yai dhe hyri në dyqan, duke shkuar direkt tek raftet me ushqime.
Sipas pronarit të dyqanit, elefanti hëngri në mënyrë të qetë nëntë pako me ëmbëlsira prej orizi, disa banane dhe një sanduiç, duke shkaktuar një “dëm” prej rreth 800 baht (rreth 25 dollarë). Ky është rasti i parë kur Plai Biang Lek hyn në një dyqan, megjithëse më parë kishte hyrë në shtëpitë e banorëve për të kërkuar ushqim.
Rangerët arritën ta largojnë atë nga dyqani pas rreth 10 minutash përpjekje. Përplasjet mes elefantëve dhe njerëzve janë shtuar në Tajlandë për shkak të zgjerimit të tokave bujqësore në habitatin natyror të kafshëve.
