Gazetari, Artan Hoxha në një intervistë në Ora News u shpreh se Elbasani u bë një qytet problematik pas fuqizimit të grupeve kriminale.
Hoxha: Kemi të bëjmë me një çështje e cila ka një shtrirje të gjatë kohore dhe ka ta bëjë me një seri ngjarjesh.
Ka episode që nga trafiku i narkotikëve por sidomos është kthyer në një çështje e rëndësishme për shkak të vrasjeve të shumta që ndodhën në Elbasan.
Ne patëm një periudhë 4-5 vjeçare në Elbasan ku patëm përballje jashtëzakonisht të forta të cilat lanë pasoja.
Situata në Elbasan gjatë kësaj periudhe kohore u agravua jashtëzakonisht shumë për shkak se grupet brenda Elbasanit u fuqizuan duke përfshirë sidomos në trafikun e kokainës.
U fuqizuan shumë financiarisht. Fuqizimi financiar iu dha atyre mundësinë të krijonin burime njerëzore, burime logjistike.
Të kishin lidhje shumë të forta me pushtetin lokal dhe qendror.
Dubai nuk është se është bërë një vend I pasigurt. Dubai vazhdon të ofrojë atë parajsë siç u krijua parajsë penale dhe fiskale.
