Pas një sqarimi mes Aldos dhe Eglit në mbrëmjen e sotme, ku Aldo theksoi se nuk ka pasur kurrë qëllim të keq ndaj Eglit, ajo ka vendosur t’ia transmetojë këto fjalë Gjestit. Qëllimi i Eglit ka qenë që t’i tregonte Gjestit se fjalët e Aldos nuk kishin për qëllim të dëmtonin marrëdhënien e saj me të.
Megjithatë, kjo ka shkaktuar një pakënaqësi tek Gjesti, i cili e ka pyetur Eglin nëse ajo ka dëshirë të qëndrojë me Aldon dhe kështu ai nuk i flet e qëndron më.
Ky reagim nuk i ka pëlqyer Eglit, e cila ka shpërthyer duke i thënë se nuk bie dakord me këtë lloj presioni, dhe se nëse ai nuk dëshiron të flasë, mund të mos e bëjë fare.
Pasi Gjesti ka lënë lavanderinë, biseda ka vazhduar sërish disa minuta më vonë dhomën e grimit, ku Egli ishte duke u përgatitur për gjumë, ndërsa Gjesti ndodhej aty, duke kënduar dhe ngacmuar atë me referenca për Aldon.
Ky veprim na ka bërë që të dyshojmë se Gjesti ka një ndjenjë xhelozie për marrëdhënien shoqërore të Eglit me Aldon.
Egli ka sqaruar se mes saj dhe Aldos nuk ka asgjë tjetër përveç miqësisë, dhe i ka përmendur komentet e pavend për sy që shkëlqejnë kur ata shihen (Aldo dhe Egli), koment që mesa duket Gerta e ka përdorur për të provokuar Gjestin.
Ky i fundit, megjithatë, nuk ka dashur t’i dëgjojë këto shpjegime, duke vazhduar me ngacmimet dhe kunjat ndaj Aldos në formë shakaje, duke kënduar. Kjo ka bërë që Egli të shpërthejë në lot, e trishtuar nga situata.
