Ndërsa zjarret vdekjeprurëse vazhdojnë të shkatërrojnë kontenë e Los Anxhelosit, shpërthimi i një ‘ferri’ të ri të zjarrtë në Hollivud Hills të mërkurën pasdite ka çuar në përhapjen e fotove dhe videove të rreme në mediat sociale që tregojnë se shenja e markës – Hollywood është në zjarr.
Këto imazhe, siç raportohet nga Independent, janë të rreme dhe tani për tani shenja ikonë mbetet e paprekur pasi zjarri do të duhej të kalonte mbi një autostradë për të prekur tabelën. Megjithatë, për shkak të zjarrit, dritat e saj janë errësuar nga tymi dhe ajo nuk është aq e dukshme.
Deri më tani, 5 persona kanë vdekur nga zjarret, ndërsa më shumë se 2,000 ndërtesa janë shkatërruar dhe të paktën 150,000 banorë janë detyruar të lënë shtëpitë e tyre. Shërbimet e urgjencës po luftojnë për të frenuar dëmet, ndonëse erërat e forta po bëjnë përpjekjet e tyre të vështira.
Llogaria popullore e platformës X Raw Alerts ishte një nga të parët që trajtoi përhapjen e lajmeve të rreme rreth shenjës, duke deklaruar se imazhet që po qarkullojnë janë produkt i “inteligjencës artificiale”.
Shenja është vërtet e vendosur në zonën Hollywood Hills të maleve Santa Monica në majë të malit Lee, por zjarri shkatërrues i Los Anxhelosit po digjet aktualisht në zonën e Studio City.
