Gjykata Themelore në Prishtinë ka caktuar 30 ditë paraburgim për Hashim Rexhepin, pronar dhe instruktor në poligonin e shenjëtarisë “Fazani-S”, pas incidentit tragjik ku humbi jetën një vajzë 24-vjeçare.
Sipas Prokurorisë, Rexhepi dyshohet për “shkaktim të rrezikut të përgjithshëm”, pasi lejoi hyrjen e viktimës dhe një personi tjetër në zonën e gjuajtjes pa mbikëqyrje profesionale.
Viktima L.S. u plagos rëndë nga një armë zjarri dhe humbi jetën në QKUK më 29 gusht.
Gjykata arsyetoi vendimin me rrezikun e mundshëm të arratisjes së të pandehurit dhe ndikimit në hetime, ndërsa mbrojtja ka kundërshtuar masën, duke theksuar se Rexhepi ka bashkëpunuar që nga momenti i parë dhe ka thirrur vetë policinë.
Hetimet për rastin vijojnë, ndërsa masa e paraburgimit është caktuar deri më 30 shtator 2025.
