Leo dhe Lela i kanë dhënë fund marrëdhënies së tyre, të paktën për sa kohë janë brenda Big Brother VIP. Ka qenë Leo ai i cili i ka kërkuar Lelës që lidhjen ta vazhdojnë pasi të dalin.
Kjo erdhi pas mosmarrëveshjeve të tyre gjatë sfidës së javës.
“Kur është loja në mes, dashurinë e vendos në zero”, i tha Leo.
Ndërsa Lela ia ktheu: “Ti je në një vend tek unë, që loja s’mundet ta ketë asnjëherë”.
Leo ia bëri të qartë Lelës që nuk i kishte pëlqyer qëndrimi i saj i afërt me Drilonin (me të cilin iu desh të qëndronte në një bluzë për shkak të sfidës), duke u shprehur se partneren e vet nuk do të donte ta shihte kurrë duke u shtrirë me një mashkull tjetër.
Ai më pas i ka kërkuar që lidhjen ta vazhdojnë jashtë BBVK.
Nga ana tjetër, Lela nuk ishte dakord me këtë vendim.
