I penduari i tretë në dosjen “Plumbi i Artë” Skerdi Tasi dëshmoi sot në seancën gjyqësore lidhur me rastet ku emri i tij është përfshirë.
Skerdi Tasi u ndal ndër të tjera te vrasja e vëllezërve Haxhia në Durrës.
Ai tha se Henrik Hoxha i njohur me nofkën “Riku” i tregoi atij për një sërë vrasjesh që ka bërë, përfshirë edhe atë të vëllezërve Besmir dhe Viktor Haxhia në prill të vitit 2020 në Durrës.
Sipas dëshmisë së Tasit, Henrik Hoxha bashkëounoi me Nuredin Dumanin për 4 vrasje në Durrës.
“Kur u ktheva nga Gjermania, mësova se Riku kishte rënë në kontakt edhe me Nuredin Dumanin. Riku më tha që 4 vrasje në Durrës, vëllezërit Haxhia dhe Dorian Shkozën e tjetrin i kishte bërë ky. Më tha që kishte marrë pjesë bashkë me një person që e quante “kusho”, që më pas mësova se ishte Nuredin Dumani”, dëshmoi i penduari i drejtësisë.
Më pas ai tha se Henriku i kishte shprehur atij shqetësimin e tij lidhur me vrasjen e vëllezërve Haxhia, pasi gjaku që u gjet te ata i përkiste Henrkikut.
“Ishte pak në merak, pasi njolla e gjakut e gjetur tek vëllezërit Haxhia ishte e Rikut”, tha Skerdi Tasi.
