Historia mes Arnold Damazetit dhe Katerinës nga “Për’puthen” vijon të mbetet në qendër të vëmendjes në rrjet, sidomos pas lajmeve të fundit për shtatzëninë që u përfol disa muaj më parë.
Teksa publiku priste më shumë qartësi për marrëdhënien e tyre, një deklaratë e re nga Arnoldi ka rikthyer debatet. Ish-konkurrenti ka folur hapur për testin e atësisë, duke thënë se ai vetë e ka kërkuar një gjë të tillë. “Unë ADN-në ia kam kërkuar para tre-katër muajve dhe ajo nuk ka pranuar. Kam këmbëngulur unë,” u shpreh ai në një video reagimi. Sipas Arnoldit, refuzimi për të kryer testin i ka shtuar pasiguritë, duke e shtyrë të flasë publikisht dhe të kërkojë sqarime më të qarta rreth situatës. “Prandaj po them që kam dyshime, njerëzit duhet të dinë të vërtetën,” përfundoi ai.
Deklaratat e tij kanë ndezur reagime në rrjet, ku një pjesë e ndjekësve kërkojnë transparencë, ndërsa të tjerë theksojnë se situata mbetet personale dhe e ndjeshme.
