Një ngjarje e rëndë është shënuar këtë të hënë ku në aksin Elbasan-Librazhd është përplasur për vdekje një 7-vjeçar si pasojë e një aksidentit. Sipas informacioneve paraprake ende nuk dihen shkaqet. Pritet një njoftim zyrtar nga policia dhe detaje mbi ngjarjen e rëndë.
Ndërkohë që në Tiranë kanë ndodhur dy ngjarje të tjera. Një sasi tritoli ka shpërthyer në orët e para të mëngjesit në një lokal në një pallat në Tiranë në territorin e Komisariatit nr. 4 në Kinostudio duke shkaktuar vetëm dëme materiale.
Në krahun tjetër të Tiranës, në Kombinat ka ndodhur një plagosje me thikë, ku dy 60-vjeçarë janë konfliktuar me njëri-tjetrin teksa ndodheshin në një lokal.
Sipas informacioneve paraprake, të dy burrat kanë qenë duke konsumuar kafe dhe alkool, ndërsa pas një debati për motive të dobëta, njëri prej tyre ka nxjerrë thikën dhe ka plagosur shokun e tij.
