Arsenali ka zhvilluar bisedime me mesfushorin e Bayern Munich, Joshua Kimmich, i cili kohët e fundit është lidhur me Barcelona-n dhe Real Madrid-in, përpara një lëvizjeje të mundshme me kosto zero këtë verë.
Kimmich, i cili mbushi 30 vjeç në fillim të këtij muaji, është në vitin e fundit të marrëveshjes së tij me Bayern.
Për shkak të situatës së tij, ai thuhet se ka tërhequr interes nga skuadrat e lartpërmendura të La Liga.
Tani, gazetari i Sky Germany, Florian Plettenberg, ka zbuluar se Topçinjtë synojnë të shtojnë në radhët e tyre objektivin e Barcelona-s dhe Real Madrid-it.
Ai shkroi në X:
“Për disa ditë, Arsenali ka qenë një nga klubet me interes konkret për Joshua Kimmich dhe ka zhvilluar bisedime. Topçinjtë dëshirojnë ta nënshkruajnë atë si një transferim me kosto zero”.
Duke hedhur më shumë dritë mbi të ardhmen e objektivit të Barcelona-s, Plettenberg shkroi:
“Kimmich tani ka marrë dy oferta me shkrim nga jashtë. Një nga Premier League. Kjo është arsyeja kryesore pse ai heziton të nënshkruajë një marrëveshje të re me Bayernin të paktën deri në vitin 2028 dhe me një pagë prej rreth 18 milionë sterlina bruto/vit”.
Deri më tani këtë sezon, Kimmich ka ka shënuar një gol dhe ka dhënë 10 asiste për bavarezët në 36 ndeshje.
