Përdoruesit nga Kosova, që dëshirojnë të blejnë bileta për të ndjekur netët e spektaklit “Prime”, kanë hasur në një problem të pazakontë: për të përfunduar pagesën, ata duhet të regjistrojnë rajonin e Serbisë.
Ky detaj ka shkaktuar pakënaqësi dhe shqetësim, duke ngritur dyshime mbi mënyrën e trajtimit të publikut nga Kosova nga ana e organizatorëve.
Disa përdorues e shohin këtë si një çështje teknike të sistemit të pagesave, ndërsa të tjerë e konsiderojnë një gabim të rëndë që kërkon një reagim të menjëhershëm dhe korrigjim të shpejtë.
Deri tani, nuk ka ende një deklaratë zyrtare nga produksioni i “Big Brother VIP Albania”, ndërkohë që polemikat vazhdojnë të shpërndahen në rrjetet sociale.
