Me përfundimin e huazimit tek Everton në fund të këtij sezoni, Armando Broja do të rikthehet te Chelsea përkohësisht, pasi largimi i shqiptarit nga “Blutë” gjatë verës është i sigurt.
“Mirror” ka publikuar së fundmi listën me 10 lojtarë që do të largohen nga Chelsea në fund të sezonit, aty është edhe emri i sulmuesit kuqezi, i cili këtë herë do të largohet në mënyrë përfundimtare nga “Blutë” dhe jo më si huazim.
Ndërkohë, Fichajes raporton se e ardhmja e Armando Brojës do të jetë në La Liga, aty ku e kërkon me ngulm Celta Vigo. Skuadra spanjolle ka pasur vështirësi për të shënuar gola këtë sezon dhe ardhja e Brojës mund të ofrojë një opsion interesant në sulm.
Forca e tij fizike, loja ajrore dhe aftësia për të krijuar rrezik në portën kundërshtare e bëjnë atë një zgjedhje të përshtatshme për nevojat e ekipit të drejtuar nga Claudio Giraldez.
