Sarandë – Një ngjarje e rëndë ka ndodhur në Sarandë ditën e sotme.
Një konflikt për motive të dobëta përfundoi me plagosjen e një 26-vjeçari dhe prindërve të tij.
Policia arrestoi në flagrancë dy vëllezërit F. L., 39 vjeç, dhe R. L., 45 vjeç, banues në lagjen nr. 4, të cilët dyshohen se goditën me sende të forta tre personat, duke i lënë të plagosur rëndë.
Shtetasit E. A., 26 vjeç, N. A., 59 vjeç, dhe B. A., 62 vjeç, u dërguan menjëherë në spital për ndihmë mjekësore, ndërsa policia referoi materialet procedurale në Prokurorinë pranë Gjykatës së Shkallës së Parë Sarandë.
