Pas një tjetër paraqitjeje të dobët të Liverpool-it, ku skuadra dështoi sërish të marrë fitoren, presioni ndaj trajnerit Arne Slot po rritet ndjeshëm.
Në ndeshjen e së shtunës kundër Leeds United, Liverpool humbi një avantazh prej 2–0, ndërsa Leeds shënoi golin e barazimit 3–3 në minutën e gjashtë të shtesës. Ky ishte barazimi i dytë radhazi për “Reds”, të cilët kanë vetëm tre fitore në dhjetë ndeshjet e fundit. Aktualisht ata renditen në vendin e tetë me 23 pikë.
Mes kësaj serie zhgënjyese, zërat për shkarkimin e Arne Slot janë intensifikuar. Një media e specializuar në lajmet e Liverpool-it raporton se trajneri holandez është shkarkuar sot nga detyra.
Në sezonin 2025/26, Liverpool-i ka zhvilluar 23 ndeshje: ka fituar 11, barazuar 2 dhe humbur 10, me golaverazh 40:41. Me një mesatare prej vetëm 1.53 pikësh për ndeshje, paraqitja e skuadrës është larg pritshmërive për një ekip që vjen si kampion në fuqi.
