Vrasja e Eduart Reçit vijon të jetë me motive të pazbardhura. Kjo për shkak se deri më tani nga kamerat e sigurisë dhe nga dëshmitë e familjarëve nuk është përfituar ndonjë element për të cilën mund ta orientojë policinë drejt një piste.
Oficerët e krimeve të rënda ende nuk kanë siguruar gëzhojën me të cilën është bërë qitja nga arma e zjarrit që qëlloi me një plumb në kokë biznesmenin nga Dibra.
Sipas Mjekësisë Ligjore plumbi e ka kapur në pjesën e djadhtë sipër veshit, e ndërsa hetuesit kanë nisur me kryerjen e eksperimenteve me qëllim për të zbuluar rrezen e qitjes.
Sipas policisë, rrezja e qitjes është llogaritur në një distancë prej 20 – 30 metrash në vijë ajrore, e ndërsa në pjësen e kokës nuk duken dëmtime të mëdha.
Puna e policisë po fokusohet te vëzhgimi i viktimës gjatë asaj dite për të parë nëse mund të zbulojnë ndonjë element nga autori i ngjarjes.
Kujtojmë se ekzekutimi i Reçit vjen vetëm pak kohë nga një tjetër atentat mafioz që tronditi vendin, masakra e Dobraccit ku mbetën të vrarë 4 persona, ndërsa policia ende nuk ka asnjë të arrestuar për ngjarjen.
