Borussia Dortmund nuk ka ndërmend ta lëshojë lehtë Felix Nmechan. Klubi gjerman ka vendosur një çmim prej 120 milionë eurosh për mesfushorin 25-vjeçar, pas interesimit të madh nga disa prej klubeve më të mëdha në Evropë.
Sipas BILD, paraqitjet e Nmechas në Kupën e Botës kanë rritur ndjeshëm vëmendjen rreth tij. Skautët e Chelsea, Manchester United, Manchester City dhe Real Madrid kanë mbetur të impresionuar, sidomos pas ndeshjes ndaj Curaçaos, ku Gjermania fitoi 7-1 dhe Nmecha gjeti rrugën e rrjetës.
Dortmund e ka rinovuar së fundmi kontratën e lojtarit deri në vitin 2030 dhe nuk dëshiron të hyjë në negociata për më pak se 120 milionë euro.
Në sezonin 2025/26, Nmecha zhvilloi 42 ndeshje me fanellën verdhezi, duke shënuar 5 gola dhe duke dhënë 3 asistime.
Pavarësisht se Transfermarkt e vlerëson aktualisht rreth 50 milionë euro, Borussia Dortmund synon të përfitojë maksimalisht nga forma e tij dhe interesi i klubeve elitare.
