Palmeiras i ka vënë sytë Vitor Roque për të forcuar skuadrën e tyre për Kupën e Botës për Klube 2025, e cila do të mbahet mes qershorit dhe korrikut të verës së ardhshme.
Megjithatë, nënshkrimi me të nuk do të jetë i lehtë, pasi sulmuesi brazilian, aktualisht i huazuar te Betis nga Barcelona, është ende nën kontratë dhe vazhdimësia e tij në skuadrën bardheblu nuk është ende e përcaktuar.
Marrëveshja e huazimit mes Barçës dhe Betis-it përfshin disa opsione: zgjatjen e huazimit edhe për një vit, ushtrimin e opsionit të blerjes për 30 milionë euro ose kthimin e lojtarit në “Camp Nou” në fund të sezonit.
Vetëm në këtë skenar të fundit, Palmeiras do të kishte një shans për të negociuar për transferimin e tij. Forma e Vitor Roque në La Liga ka qenë jo e qëndrueshme, me katër gola në 19 ndeshje dhe asnjë gol që nga dhjetori.
Ardhja e Cucho Hernandez dhe konkurrenca me Bakambu kanë ulur shanset e tij për të qenë titullar, gjë që mund të ndikojë në vendimin përfundimtar të Betis për të ardhmen e tij. Dhe sipas të gjitha gjasave, Betis do të aktivizojë pikën e tretë në klauzolën me Barcelonën, pra kthimin e brazilianit te katalanasit në fund të sezonit.
Sipas mediave braziliane, operacioni është ende në fazën e analizës, por interesi i klubit nga Sao Paulo është real. Sigurisht që ata do të kërkojnë huazimin e Roque, pasi vështirë se Barcelona do pranojë të heq dorë nga 19-vjeçari për të cilën pagoi 40 milionë euro tek Athletico Paranaense.
