Një vit më parë, më 13 shkurt të 2024 biznesmeni Kristian Boçi u aksidentua në aksin Lushnjë-Tiranë. Mercedesi Benz GLE, me të cilin po udhëtonin Boçi dhe dy fëmijët e tij të mitur përfundoi jashtë rrugës. Si pasojë asokohe mbeti i plagosur rëndë vetë biznesmeni, ndërkohë fatmirësisht dy fëmijët e tij shpëtuan pa lëndime.
Lidhur me këtë ngjarje e cila një vit më parë tronditi familjen Boçi ka ardhur me një rrëfim vetë bashkëshortja e biznesmenit, Drilona Boçi.
Përballë Orinda Hutës, Drilona mes emocioneve dhe lotëve ka rrëfyer atë mëngjes të trishtë kur djali i saj e telefonoi dhe i dha lajmin e aksidentit. Në ato momente, ashtu sikurse dhe Drilona e pohon, bota u “shemb” mbi kokën e saj.
Automjeti i Kristian Boçit, pamje nga aksidenti ne shkurt te vitit 2024
“Këtu nuk di vërtet sepse ka qenë momenti më i vështirë që mund të kem kaluar në jetë. Ishte diçka që as një ëndrra nuk e kisha imagjinuar dhe në momentin që unë kam marrë një telefona të nga djali që kemi bërë aksident dhe më duhej mua të telefonoja ambulancën ka qenë një moment shoku që nuk di të them.
Unë jam natyrë e fortë, nuk jam vajzë e brishtë, por që ky ishte një moment shumë tronditës, mi ka shkundur mirë themelet. Kristiani është shumë mirë në timon, shumë i kujdesshëm. Është shumë e çuditshme se ata u nisën herën rreth 5 të mëngjesit dhe ishte shumë e çuditshme fakti që unë prisja një telefonatë nga ai, nuk e kuptoj pse. Unë i përcolla, nuk e di pse kisha bindjen që do më binte telefoni. Mendoja unë se mos harronte diçka, mendoja se mund të mi binte telefonit dhe nuk u riktheva të flija. Kur më ka rënë telefoni mendova se ishte kjo ndjesia ime. Dhe kur më ka dalë djali dhe më ka thënë nuk jemi mirë, babi nuk është mirë.
Nuk e di më është shembur bota. Kam lajmëruar babin, të gjithë familje ne Kristianit jam nisur vetë direkt dhe i kam gjetur te spitali në Lushnjë. Fëmijët ishin shumë keq psikologjikisht dhe me dy batanije të hedhura. Dhe Kristianin shkoj e gjej në një dhomë urgjencë dhe ishte i qepur i gjithi. Unë kam qenë gjithmonë në dhomë me të pa lëvizur fare. Pjesën e fëmijëve di të them që ju thoja shumë shpesh të vinim aty ta shikonin situatën sepse duke e parë çdo ditë nuk do e kenë ankthin dhe merakun që çfarë po ndodh e çfarë jo”, ka treguar Drilona.
Si ndodhi aksidenti:
Kujtojmë që më 13 shtator 2024 policia njoftoi se në aksin Lushnjë-Tiranë automjeti me tre anëtarët e një familje u përfshi në një aksident. Biznesmeni Kristian Boçi u aksidentua teksa udhëtonte nga Tirana në drejtim të jugut të vendit. Në makinë me të kanë qenë dhe dy fëmijët e mitur.
Aksidenti ka ndodhur rreth orës 06:30, në aksin rrugor “Tiranë-Lushnjë”. Si pasojë mbeti i plagosur vetë biznesmeni, i cili asokohe pasi mori ndihmën e parë në spitalin e Lushnjës u transportua drejt Tiranës ku dhe qëndroi i shtruar në Spitalin e Traumës. Pas disa ditës vetë Boçi tha se fatmirësisht ndodhej në gjendje të mirë shëndetësore, por kishte humbur shikimin në syrin e majtë.
“Si pasojë e daljes së automjetit nga rruga, janë dëmtuar lehtë shtetasi Kristian Boçi dhe 2 fëmijët e tij të mitur, të cilët ndodhen në spital për ndihmë mjekësore, jashtë rrezikut për jetën. Grupi hetimor po punon për sqarimin e plotë të rrethanave të aksidentit”, njoftoi Policia një vit më parë.
