Djali i miliarderit Geroge Soros, Alex Soros do t’i japë fund beqarisë. Mësohet se më 14 qershor, ai do t’i thotë po përjetë të fejuarës së tij, Huma Abedin.
Çifti i cili u fejua në korrik të 2024 do të lidhin kurorë bashkë në Hamptons, në një ceremoni e cila ashtu sikurse është thënë deri më tani pritet të jetë madhështore, me shumë figura të njohura të biznesit e politikës, mes tyre edhe kryeministri i vendit tonë, Edi Rama.
Pas një lidhje prej disa vitesh Abedin dhe Soros vendosën që të hedhin një hap tjetër në korrik të vitit të kaluar.
Djali i donatorit miliarder demokrat George Soros dhe Huma Abedin konfirmuan romancën e tyre me një foto ditën e Shën Valentinit një vit më parë.
Dashuria e tyre është e madhe dhe ashtu sikurse është thënë dhe nga mediat e huaja, as diferenca në moshë nuk ka mundur t’i ndajë ata dhe të ketë qenë një pengesë, edhe pse Alex Soros është vetëm 38 vjeç, ndërsa Huma Abedin, 47 vjeçe.
Ndërkohë, kujtojmë që mëngjesin e kësaj të enjte kryeministri Edi Rama u nis drejt Shteteve të Bashkuara të Amerikës për të marrë pjesë në martesën e Sorosit, mikut të tij.
