Mëngjesin e 14 shkurtit, 18-vjeçarja Natali M. u plagos në një dhomë hoteli dhe aktualisht ndodhet ende në spital. Ndërkohë, policia e Tiranës vijon hetimet dhe deri tani nuk ka arritur të gjejë armën e krimit.
Dëshmitë sugjerojnë një vetëplagosje, ku kontekstin emocional luan një rol të rëndësishëm, por pershtypja e përgjithshme është se ngjarja mbetet e paqartë.
Pas plagosjes, policia arrestoi dy persona për moskallëzim krimi, ndërsa më pas ndaloi edhe 22 vjeçarin Erisjaldo Gjuta, i dashuri i Natalit dhe nipi i një politikani të njohur, Vladimir Gjuta.
Ai akuzohet për veprime që pengojnë zbardhjen e së vërtetës dhe mbajtjen pa leje të armëve shpërthyese dhe municionit.
Erisjaldo mohon çdo përfshirje në ngjarje, duke thënë se në momentin e të shtënave ishte në bar me familjarët e tij dhe se ra me vrap në dhomë, ku gjeti Natalin të plagosur.
Sipas tij, fillimisht u përpoqën t’i jepnin ndihmë, por për shkak të gjendjes së saj serioze, vendosën ta çonin në spital.
Armë në fjalë dyshohet se i përket Erisjaldos, megjithatë, ajo ende nuk është gjetur nga hetuesit. Sipas burimeve të policisë, në kërkim janë shpallur edhe dy persona të tjerë, Sajmir Gjuta, babai i Erisjaldos dhe kushëriri i tij, Elvir Gjuta.
Ky rast ka ngjallur shumë interes dhe shqetësim në opinionin publik, duke u bërë një temë të fundit në mediat vendase.
