Pasditen e së dielës, kryeqyteti do të ketë përballjen e madhe mes Tiranës dhe Partizanit, një derbi që gjen skuadrën bardheblu në një situatë delikate, pasi ndodhet në vendin e fundit në klasifikim me vetëm 6 pikë. Trajneri i Tiranës, Ardian Nuhiu, në një konferencë për shtyp para ndeshjes, theksoi se rezultati është i rëndësishëm jo vetëm për skuadrën, por edhe për tifozët.
Nuhiu e përshkroi ndeshjen si një mundësi për të treguar karakter dhe për të rikuperuar besimin, pas humbjes shkatërruese 6-2 ndaj Dinamos. “Futbolli gjithmonë ofron një mundësi tjetër. Ndeshja po vjen shpejt dhe është një mundësi për të harruar dështimin e kaluar,” tha ai. Trajneri theksoi se është jetike që lojtarët të reagojnë, sidomos kur ndodhen në një pozita të vështira, dhe se duhet të japin gjithçka në fushë për të arritur këtë fitore të nevojshme.
Përballja me Partizanin do të jetë sfiduese dhe Nuhiu e pranoi se ekipi kundërshtar ka qenë në formë të mirë në javët e fundit. Ai i inkurajoi lojtarët të “vdesin” në fushë për këtë ndeshje, duke theksuar se fitimi është i nevojshëm për të siguruar një pozitë më të mirë në klasifikim dhe për të evituar shkëputjen nga skuadrat e tjera.
Në lidhje me të ardhmen e tij si trajner, Nuhiu theksoi se rezultati i kësaj ndeshjeje nuk do të ketë ndikim në pozitat e tij. Ai shprehu besim në sistemin e punës dhe se skuadra do të përmirësohet gradualisht. “Kemi diskutuar për këtë, por unë besoj se futbolli kërkon kohë,” shtoi ai.
Ky derbi jo vetëm që pritet të jetë një sfidë e madhe për Tiranën, por gjithashtu ka rëndësi të madhe për tifozët që presin një rikthim të fortë pas periudhës së vështirë që ka kaluar skuadra.
