Gazetari amerikan Marc Caputo, i cili punon për agjencinë “Axios”, i është drejtuar Departamentit Amerikan të Shtetit me një pyetje lidhur me mundësinë e udhëtimit të kreut të opozitës shqiptare, Sali Berisha, në Shtetet e Bashkuara.
Në një postim në platformën “X”, Caputo shkruan: “E pyeta Departamentin e Shtetit për statusin e vizës së Berishës dhe më thanë se ai mund të udhëtojë drejt SHBA-së”, duke publikuar gjithashtu edhe përgjigjen zyrtare të DASH.
Në reagimin e Departamentit Amerikan të Shtetit thuheet: “Ne japim rregullisht përjashtime për të lehtësuar udhëtimin e individëve të caktuar në SHBA, në përputhje me detyrimet ndërkombëtare dhe interesat tona kombëtare. Si e tillë, ne nuk do të lejojmë që interesat tona të politikës së jashtme apo marrëdhëniet me Shqipërinë të mbahen peng nga vendime të politizuara të epokës së Biden-it.”
Reagimi i plotë nga linku KËTU!
