Autori i vrasjes së bashkëmoshatarit 14-vjeçar Erald Xhejo në Maliq pasditen e kësaj të enjtjeje ka lënë spitalin.
Teksa fillimisht u dërgua në qendrën rajonale spitalore të Korçës për të marrë mjekim, Enedio Zguri tashmë është shoqëruar në komisariat nga policia.
Pritet që 14-vjeçari të merret në pyetje rreth ngjarjes së rëndë, e më pas për të hedhur dritë në ngjarjen e rëndë që ndodhi.
Detaje të plota për rrethanat e krimit që tronditi vendin.
I mituri 14-vjeçar është vrarë nga Enedio Zguri. Ngjarja ndodhi gjatë një sherri në një lokal.
Erald Xhejo nuk ka mundur t’i mbijetojë plagëve të marra nga thika, për pasojë ndërroi jetë në spital. Të miturit kanë qenë duke folur fillimisht e më pas kanë nisur të debatojnë, duke vijuar më tej me përdorimin e armëve të ftohta, përkatësisht thikë.
I plagosur ka mbetur edhe autori i vrasjes, i cili u dërgua në spitalin rajonal të Korçës, aty ku mori mjekim.
Ai ende nuk ka dhënë asnjë dëshmi për ngjarjen, teksa enigmë mbeten shkaqet që kanë sjellë agravimin e situatës. Të dy të miturit nuk janë nga fshati Pirg, por nga zona afërsi të tij.
