Gjatë një bisede në “Big Brother VIP Albania”, Danja Koka ka ndarë disa detaje rreth profesionit të saj, duke theksuar angazhimin e saj profesional, i cili është shumë ndryshe nga modelingu, siç jemi mësuar ta shohim.
Ajo i tregoi Gjestit se është e punësuar si specialiste në Bashkinë e Tiranës.
“Unë jam në zyrë, punoj në zyrë. Jam specialiste te Bashkia e Tiranës”, tha Danja.
Kjo deklaratë ka shkaktuar habi tek shikuesit, të cilët nuk ishin të informuar për këtë fakt.
Bashkia e Tiranës është e njohur për numrin e madh të punonjësve, rreth 6 mijë, duke përfshirë edhe institucionet në varësi, dhe shpesh ka ndodhur që emrat e personazheve publikë të shfaqen në listat e punonjësve të saj.
