Një ngjarje tragjike ndodhi sot në Novi Sad të Serbisë, ku një pjesë e çatisë së një stacioni hekurudhor u shemb, duke lënë pas 13 persona të vdekur. Incidenti ndodhi rreth orës 11:00 me kohën lokale, kur struktura e betonit ra mbi qytetarët, disa prej të cilëve ishin ulur në stolat e stacionit.
Momenti i shembjes u publikua në mediat vendase, duke shfaqur pamje alarmante të situatës. Në kërkim për ndihmën e viktimave u angazhuan rreth 80 ekipe shpëtimi nga e gjithë Serbia, duke përdorur makineri të rënda për të hequr rrënojat.
Stacioni hekurudhor, i ndërtuar në vitin 1964, kishte kaluar një proces rinovimi në vitin 2021 dhe ishte rinovuar sërish këtë vit. Kryeministri Millosh Vuçeviç deklaroi se të gjithë ata që ishin përgjegjës për mirëmbajtjen e ndërtesës do të mbajnë përgjegjësi për këtë tragjedi. Ai e përshkroi ditën e sotme si një nga ditët më të vështira në historinë e pasluftës të Novi Sadit.
“Është një tragjedi e madhe, e tmerrshme për Novi Sadin dhe për të gjithë Serbinë,” tha Vuçeviç, duke shprehur ngushëllime për familjet e viktimave. Në përgjigje të kësaj ngjarjeje, qeveria shpalli të shtunën ditë zie.
Shiko videon këtu!
