Këngëtarja e njohur shqiptare, Dafina Zeqiri, këtë të shtunë do të mbajë koncertin e saj të fundit për një kohë.
Arsyeja është se ajo së shpejti do të bëhet nënë për herë të parë, duke pritur një djalë. Lajmin e ka ndarë vetë këngëtarja përmes një postimi në rrjetet sociale, ku ka shprehur emocionet që po përjeton dhe pasigurinë për rikthimin në skenë me performanca live.
Megjithatë, Dafina ka siguruar fansat se nuk do të ndalet me projekte muzikore.
“Këtë të shtunë kam koncertin e fundit për një kohë. Kam pak emocione, se se di di sakt kur kthehna prap me performu live, ama projektet s’kanë me u ndal! Ka shumë të mira në rrugë, një surprizë shumë të bukur këtë verë… për të tjerat nuk po flas, po ia lë kohës.
Menxi s’po pres mu knaq bash me ju dhe nji herë live. Ju dua shumë!” ka shkruar ajo.
