Antonio Conte pritet të largohet nga Napoli në fund të këtij sezoni. Sipas Fabrizio Romano, trajneri italian do të japë dorëheqjen gjatë fundjavës, duke mbyllur aventurën e tij në krye të skuadrës napolitane.
Më herët është raportuar se Conte ka refuzuar çdo kompensim financiar dhe do ta ndërpresë kontratën me marrëveshje të përbashkët, edhe pse ajo ishte e vlefshme deri në vitin 2027.
Ndeshja e kësaj të diele ndaj Udinese, në javën e 38-të të Serie A, pritet të jetë e fundit për Conte si trajner i Napoli.
Conte mori drejtimin e skuadrës në vitin 2024. Nën drejtimin e tij, Napoli zhvilloi 90 ndeshje, duke regjistruar 53 fitore, 19 barazime dhe 18 humbje.
Gjatë kësaj periudhe, ai arriti të fitojë Scudetto dhe Kupën e Italisë, por tani rrugët mes tij dhe klubit duket se do të ndahen përfundimisht.
