Cristian Chivu u shpreh i kënaqur me paraqitjen e Interit pas fitores me penallti ndaj Manchester Cityt, në ndeshjen e parë të turit veror.
“Luajtëm një pjesë të parë shumë të mirë. Skuadra e lexoi siç duhet ndeshjen, edhe pse ende nuk jemi në formën më të mirë fizike”, deklaroi trajneri zikaltër.
Chivu foli edhe për merkaton, duke pranuar se Interi ka nevojë për një lojtar tjetër në krah.
“Për momentin kemi tre anësorë, ose tre e gjysmë, pasi Carlos mund të luajë aty. Gjithsesi, na mungon ende një lojtar. Merkatoja është e gjatë dhe duhet të zgjedhim me kujdes”, shtoi ai.
Trajneri vlerësoi edhe paraqitjen e të rinjve, të cilët morën minuta ndaj Cityt, ndërsa theksoi se objektivi kryesor në këtë fazë mbetet përmirësimi fizik dhe shmangia e dëmtimeve.
