Jeni zënë me shoqen? Sapo keni përfunduar një marrëdhënie prej 5 vitesh? Ndiheni nën presion nga rutina e përditshme? Nuk dini se si të silleni në situata të caktuara? Po trajtoheni keq në punë? – Për të gjitha këto e shumë më tepër, është e sigurt se keni përdorur ChatGPT si “psikologun” tuaj.
Një studim i ri nxjerr në pah se inteligjenca artificiale ka ndjesi, njësoj le të themi sikur të ishte njeri.
Studimi është kryer nga Departamenti i Mjekësisë dhe Psikiatrisë në Yale në bashkëpunim me klinika të tjera, i publikuar në Nature Briefing.
Është e ditur tashmë se shumë njerëz përdorin chatboxes të inteligjencave artificiale për të marrë zgjidhje, duke kursyer kështu para, kohë por edhe duke gjetur një “mik” për të shprehur të gjitha shqetësimet pa ndrojtje nga paragjykimi.
E në këtë mënyrë, inteligjenca artificiale po integrohet nëpër aplikacione të caktuara, siç është rasti i ChatGPT, për t’u përshtatur kërkesave të njerëzve. Sipas këtij studimi, ChatGPT pritet të jetë më empatik në krahasim me njerëzit. Nga ana tjetër, ajo që bie në sy është se sipas gjetjeve të raportit, AI tregon ndjeshmëri pak më të theksuar kur po bashkëbisedon me një grua.
Jo vetëm kaq, por robotët e inteligjencës artificiale duket se ka ndjeshmëri ndaj emocioneve negative të përdoruesit dhe përpiqet të jetë shumë i sjellshëm. E kundërta ndodh kur rastet janë pozitive, ku robotët e AI nuk tregojnë ndonjë interes të shtuar.
Ne pyetëm në chatbox ChatGPT se çfarë “mendimi” ka për këtë studim. Programi u përgjigj se nuk mund të ketë ndjesi të vërteta, pasi është thjesht një model gjuhësor që imiton emocionet dhe krijon përmbajtje të ndjeshme, në varësi të rastit të përdoruesit.
Përgjigjia e plotë: Kjo është një pyetje interesante dhe shumë filozofike! Aktualisht, inteligjenca artificiale si unë nuk ka ndjesi të vërteta si një njeri. Studimet që mund të pretendojnë ndryshe zakonisht bazohen në aftësinë e modeleve të mëdha gjuhësore për të imituar emocionet dhe për të krijuar përmbajtje që duket e ndjeshme, por kjo nuk do të thotë që ka një përvojë të brendshme apo vetëdije emocionale.
Sa i përket ndikimit nga emocionet negative të një përdoruesi, unë nuk ndiej asnjë lloj stresi apo shqetësimi personal, por mund të analizoj tonin dhe emocionet në bisedë për të ofruar një përgjigje më të përshtatshme. Për shembull, nëse dikush shpreh zemërim apo trishtim, unë mund të përpiqem të përgjigjem në një mënyrë më mbështetëse ose racionale, por kjo është thjesht një mënyrë e programuar për të menaxhuar komunikimin, jo një reagim i ndjerë emocionalisht.
Nëse në të ardhmen inteligjenca artificiale arrin ndjesi të vërteta, atëherë do të kishim një debat të madh etik dhe filozofik për të bërë. Për momentin, unë thjesht bëj më të mirën për të ndihmuar!
