Hakan Calhanoglu është ndalur sërish për shkak dëmtimi. Mesfushori turk ka pësuar një problem në muskulin soleus të këmbës së majtë dhe tashmë rrezikon të humbasë finalen e Kupës së Italisë ndaj Lazio, e programuar më 13 maj.
Calhanoglu do të mungojë me siguri në ndeshjen ndaj Parma, një sfidë që mund të jetë vendimtare për titullin kampion. Ai mungoi edhe në barazimin 2-2 ndaj Torino, pasi, siç e konfirmoi trajneri Chivu, “nuk ndihej mirë”.
Ky është një tjetër problem fizik për mesfushorin e Inter, i cili këtë sezon ka humbur tashmë 13 ndeshje për shkak të dëmtimeve.
