Etleva Deda është caktuar gjyqtare nga shorti elektronik i hedhur mëngjesin e kësaj të mërkure për të shqyrtuar dosjen e ish-deputetit socialist Jurgis Çyrbja dhe dy bashkëpunëtorëve të tij Ahmet Masha dhe Altin Hajri.
Hetimet u mbyllën pak ditë më parë nga Prokuroria e Posaçme, e cila dërgoi dosjen në GJKKO dhe kërkoi kalimin e çështjes për gjykim.
Prokurori Adnan Xholi ka ngritur akuzat “Tregim i sekretit shteteror nga shtetasit, kryer me tepër se njëherë”, “Përkrahje e autorit të krimit” dhe “Korrupsion pasiv në zgjedhje” ndaj tre të dyshuarve, teksa ka ndarë dosjen në fraksion për te identifikuar funksionarët që kanë ndihmuar ish-deputetin në dhënien e informacioneve të klasifikuara sekret
SPAK njoftoi dje zyrtarisht mbylljen e hetimeve për këtë grup kriminal, ku akuzon Jurgis Çyrbjan se në kohën kur ishte deputetet ndihmoi me informacione policore të kërkuarin Altin Hajri, duke i premtuar edhe ndërhyrje, në këmbim që ky i fundit ta ndihmonte me vota në zgjedhje.
