Një ngjarje e rëndë është parandaluar mbrëmjen e sotme nga policia në Tiranë!
Ishte ora 19:05 kur te Pallati me Shigjeta, në afërsi të një karburanti, njl 60-vjeçar me inicialet I. Q., ka tentuar të dëmtojë veten duke u spërkatur me benzinë. Në momendin që ai ka ndezur zjarrin, efektivët kanë ndërhyrë duke e ndaluar djegien e mëtejshme.
Për pasojë, 60-vjeçari ka marrë lëndime në fytyrë dhe është dërguar me urgjencë në spitalin e traumës.
Njoftimi i policisë:
Më datë 08.02.2025, rreth orës 19:05, tek Pallati me Shigjeta, në afërsi të një karburanti ka tentuar të dëmtojë veten dyshohet me lëndë djegëse shtetasi I. Q., rreth 60 vjeç.
Shërbimet e Policisë kanë ndërhyrë në menyrë të menjëhershme duke neutralizuar përhapjen e zjarrit në trup.
Shtetasi I. Q u transportua me ambulancë për ndihmë mjekësore, pasi ka pësuar djegie në fytyrë.
Grupi hetimor po punon për sqarimin e rrethanave të rastit.
