Gjykata e Posaçme e Apelit la në fuqi masën e arrestit në burg për Zambak Gjonin dhe Arnold Rrokaj, të dy të arrestuar për ndërhyrjen në e-mailet e Prokurorisë së Posaçme.
Prokuroria ka dyshime se personat e arrestuar, Zambak Gjoni që më herët ka mbajtur postin e drejtorit në burgun e Vlorës dhe Arnold Rrokaj, ish-zyrtar i IMT Vlorë, kanë bashkëpunuar me persona të tjerë në kuadër të grupit të strukturuar kriminal.
SPAK pohoi se ndërhyrja është kryer mbrëmjen e 12 marsit, ku edhe është realizuar marrja e informacioneve nga hakerimi i adresave të prokurorëve, por jo dosje hetimore.
