Eurovision Song Contest rrezikon një përplasje të madhe politike para edicionit të vitit 2026. Disa vende europiane, mes tyre Irlanda dhe Holanda, kanë paralajmëruar se mund të bojkotojnë garën nëse Izraeli lejohet të marrë pjesë.
Shkak është situata humanitare në Gaza dhe kritikat ndaj mënyrës se si autoritetet izraelite po e trajtojnë lirinë e medias, përfshirë raportimet për gazetarë të vrarë gjatë konfliktit. Sipas tyre, pjesëmarrja e Izraelit bie ndesh me vlerat që përfaqëson Eurovision-i.
Nga ana tjetër, organizatorët e konkursit ende nuk kanë marrë një vendim përfundimtar mbi pjesëmarrjen e Tel Avivit, ndërsa debati ka hapur një diskutim të gjerë në opinionin publik europian. Nëse bojkoti realizohet, Eurovision-i mund të përballet me një nga krizat më të mëdha në historinë e tij.
