Sekretari i përgjithshëm i Partisë së Lirisë, Tedi Blushi ka akuzuar Edi Ramën për arrestimin e Ilir Metës. Ai tha se ky është një akt shpallje lufte ndaj opozitës.
“Ilir Meta sot u tradhtua edhe nga Garda, që duhet të ishte aty, por nuk e di pse nuk ishte. Ndaj Ilir Metës nuk ka asnjë provë që e implikon por gjithçka ka të bëjë me një proces të inskenuar nga Edi Rama dhe xhelati i tij, në krye të strukturës terroriste.
Ish-presidentin e Republikës e rrëmbyen në mes të ditës në mes të Tiranës. Jemi duke identifikuar të gjithë grupin dhe skuadrën terroriste që ka marrë pjesë në këtë aksion terrorist” tha ai.
