Në zgjedhjet parlamentare të vitit 2025, Blendi Gonxhja ka shënuar një rezultat historik brenda radhëve të Partisë Socialiste, duke kaluar rekordin e vendosur në vitin 2021 nga Taulant Balla në qarkun e Elbasanit.
Sipas të dhënave të publikuara deri tani, Gonxhja ka siguruar 21,809 vota, duke lënë pas Ballën, i cili në zgjedhjet e katër viteve më parë kishte marrë 21,604 vota. Ky rezultat e bën Gonxhen kandidatin më të votuar të PS-së në rang kombëtar në këto zgjedhje.
Një figurë e njohur në jetën publike, Gonxhja vjen me një përvojë të gjatë në administratë dhe politikë, si në nivel vendor ashtu edhe në qeverisjen qendrore. Rezultati i tij shihet si tregues i një mbështetjeje të gjerë elektorale dhe një profili politik në rritje brenda forcës më të madhe politike në vend.
