Gazetari Blendi Fevizu ka folur për shpopullimin masiv të vendit dhe largimin e të rinjëve!
Gjatë një interviste që dha për TPZ, Fevziu tha se “Shqipëria rrezikon të kthehet në një azil të madh pleqsh”.
Ai renditi dhe disa arsye për këtë opinion që mbajti!
“Të rinjtë shohin që situata ekonomike është shumë e vështirë dhe nuk u lejon një ecje normale. Imagjinoni një të ri që vjen nga një zonë periferike. Marrim Kolonjën meqë e përmendëm, mbaron studimet në Tiranë dhe do të fillojë punë, me çfarë do të jetojë? Si do ta blejë shtëpinë me këto çmime që janë? Si do të jetojë? Ka pikëpyetje të madhe. Një pjesë e emigracionit të të rinjve, vjen pikërisht nga kjo. Ky vend është shumë i vështirë për jetësën e të rinjve. 73% e të rinjvë, po të kishin mundësi do të largoheshin. Mund të kthehet Shqipëria në një azil të madh pleqsh”.
Shumë fshatra të Shqipërisë sot nuk kanë të rinj, pasi janë larguar në emigrim. Kjo situatë ka vënë në vështirësi bizneset, të cilat vuajnë mungesën e fuqisë punëtore.
