Presidentja e Komisionit Evropian, Ursula von der Leyen, e cila ka marrë pjesë në bisedimet për luftën në Ukrainë, në një samit në Londër, ka deklaruar se urgjentisht “duhet të riarmatosim Europën”.
Ajo ka theksuar se kontinenti duhet “të rritet masivisht” dhe të ketë një “rritje në mbrojtje“.
Duke folur me gazetarët brenda Lancaster House, von der Leyen tha: “Shtetet anëtare kanë nevojë për më shumë hapësirë fiskale për të bërë një rritje të mbrojtjes. Ne duam që SHBA-ja të dijë se ne jemi gati të mbrojmë demokracinë”.
Kujtojmë se një total prej 19 liderësh botërorë u mblodhën në Lancaster House për të diskutuar mbi sigurinë e Evropës, ndërsa kryeministri britanik, i cili ishte mikpritës, shpreson të rikthejë planin e paqes në Ukrainë “në rrugën e duhur”.
