Policia e Shtetit ka ndërmarrë pasditen e kësaj të premte një aksion me urdhër të Prokurorisë së Posaçme Antikorrupsion.
U raportua se janë zhvilluar kontrolle në disa ambiente, pasi janë dhënë urdhërarreste për të dyshuar për trafik droge, ndërsa janë vënë në pranga vëllezërit Artur dhe Ervin Hoxhosmani, si dhe Ermir Ndreaj.
Në Elbasan një tjetër është arrestuar një tjetër person, ndërsa një tjetër shtetas është në kërkim nga policia.
Gjithashtu, në qelitë e burgut iu janë komunikuar akuza të reja Plarent Dervishaj dhe Erion Alibej.
Kanë qenë dëshmitë e këtij të fundit, që kanë çuar SPAK në goditjen e këtij grupi kriminal, pasi Alibej ka rrëfyer për dhjetëra ngjarje si dhe për trafikun e drogës. SPAK ka në dorë dëshminë e tij dhe biseda në aplikacionin Sky Ecc.
Plarent Dervishaj po gjykohet për atentatin ndaj Arjan Ndoj, ish-prokuror. Ndërsa Erion Alibej për disa vrasje me pagesë, por ka statusin e të penduarit.
Po ashtu mediat raportojnë se janë sekuestrruar ora të shtrenjta, bizhuteri dhe makina luksoze. Në total janë 7 persona, 4 të arrestuar sot (ende nuk dihet indentiteti i njërit), ndërsa një tjetër është shpallur në kërkim, pasi jashtë shtetit.
Ndërsa mësohet se kontrolle ka pasur edhe në Vlorë.
