Kreu i Partisë Demokratike, teksa vlerësoi listën e Partisë Demokratike për zgjedhjet e 11 majit, bëri një skanim të listës së mbyllur të PS, që sipas tij ishte listë e skapit.
Berisha u ndal tek Belinda Balluku, të cilën e quan Lubi, që vetëm një biftek e ha 1 mijë euro. Sipas Berishës në listën e mbyllur të PS janë ministra që kanë dosje të mëdha mbi shpinë.
Kreu i PD-së u ndal edhe tek Blendi Klosi, të cilin e quajti “simbol të bixhozit që lë peng edhe lëkurën e tij.”
“Ndërkohë shqiptarët panë listën e skapit në krahun tjetër. Të gjithë ministrat, me dosje kunjtalshe mbi shpinë, u futën njëri pas tjetrit në listën e mbrojtur për shkakun e vetëm se kanë vjedhur bashkë me Ramën. Se ata që nuk kanë vjedhur bashkë me Edi Ramën, por kanë ngrënë dardha veças, ata morën udhët.
Ministrat si Lubia, si Mazniku një mijë euro pjata bifteku, si Lubia që ka administruar 12 miliard euro të Shqiptarëve por kanë avulluar në drejtime të paditura. Klosi që është simboli i bixhozit, e kuptoni ju cdo të thotë të jesh simbol bixhozi, që e lë lëkurën peng. Blendi Klosi, Blendi bixhozi.
Shalsi, që u qahej të tjerëve se mbetën tek vjehrra 8 apartamente kur ikur nga bashkia. Listë të mbyllur. Po Çuçi që i detyrohet familjarisht 10 mln euro të vjedhura nga Delina, që në rast se taskapaguesit amerikane kërkojnë tu kthehen paratë këto i konvertohen në vite burgu. Por Vengu, dezertori i NATO-s, një nga anëtarët e çetës 5D, edhe ai në mbrojtje.
Po Niko, mbi të cilin rëndojnë aferat më të rënda. Qytetarërt korcarë e kanë të qartë se kush ka firmosur në vend të Ramës për djegësin e Elbasanit. E garantoj Nikon se edhe mandat mbi mandat të marrë drejtësisë nuk do ti shpëtojë”, tha Sali Berisha.
