Kryetari i PD-së, Sali Berisha u shpreh sot se Edi Rama është “armik i veriut”. Tha se edhe Enver Hoxha investoi më shumë në zonën e veriut krahasuar me kryeministrin aktual. Akuzoi se Edi Rama po nxit gjakderdhjen me nismën e paketës së maleve.
“Pas paketës së maleve qëndron një paligjshmëri absolute sepse Edi Rama autorizon veten të marrë tokat dhe të bëjë dhuratë tokat atyre që nuk mund t’i disponojnë kurrë tokat e tyre. Veriu ka ndarë tokën sipas trashëgimisë dhe nuk kanë marrë asnjë pëllëmbë tokë të tjetrit.
Cdo përpjekje për të rrëmbyer pronë private në veri është përpjekje për të nxitur gjakderdhje, armiqësi dhe përçarje. Rama do të ndërsejë skuadrat e trafikantëve në zonat malore” tha ai.
