Kryedemokrati Sali Berisha, ka folur para mediave pak para nisjes së mbledhjes së Kryesisë, ku ka komentuar deklarata e bëra nga deputeti Dashnor Sula i cili njoftoi se nuk është pjesë e listave të PD për zgjehdjet e 11 majit.
Berisha mohoi që Sula të jetë përjashtuar nga lista e PD kur u pyet nga gazetarët se si mund të lihet jashtë gare një nga më të votuarit në primare.
Sipas Berishës, Sula edhe mund të ndryshojë mendim në orët në vijim, duke nënkuptuar se mund ta ketë pjesë të listës.
Sali Berisha, para mbledhjes në Kryesisë, është shprehur se Dashnor Sula nuk është përjashtuar nga lista e kandidatëve për deputetë.
“S’është përjashtuar dhe s’mund të përjashtohet. Ka meritat e veta. Nuk kam komunikuar me zotin Sula. Telefoni im ka mijëra mesazhe, edhe mund të më ketë shkruar. Ai është njeri i respektuar. Ajo nuk dihet. Ai deklaron, por pastaj mund të ndërrojë mendimin”, tha Berisha.
